Saathvan

किती  खात्री  असते , सगळं मुठीत असल्याची .. तरी , आयुष्य हातातून निसटतंच ....

तू म्हणतोस , सारखं भांडण होतं आपलं .. तुझं मला पटत नाही , माझं तुला पटत नाही .. पाच दहा पंधरा वीस , चाळीस वर्षे होऊन गेली .. आता तर माझ्या मनातलंही वाचून , भांडतेस , उत्तरं देतेस तू ....            * * मी  म्हणते , मग काय झालं ? भांडलं तर कुठे  बिघडलं ? सारखे आपण एकत्र असतो , आपल्या या  चिमुकल्या खोपीत .. धारदार , टोकदार , अस्सल , आपली लयच वेगळी .. जवळ , आणखी जवळ येऊ , तर  कक्षा छेदणारच की  नाही ? अंतर  कमी  तर  घर्षण होईल , अंतर  वाढलेलं आपल्याला  चालेल ? ..